Վրաստանի իշխանությունները Ուկրաինայի քաղաքացիներին թույլ են տվել  առանց վիզայի երեք տարի մնալ հանրապետությունում։ Այս մասին ասված է Վրաստանի իրավական պորտալում հրապարակված կառավարության համապատասխան որոշման մեջ։

«Ուկրաինայի քաղաքացիներն իրավունք ունեն մուտք գործել Վրաստան առանց վիզայի և մնալ երեք տարի»,- ասվում է փաստաթղթում։

Տեքստում նշվում է նաև, որ որոշումը կտարածվի «2024 թվականի փետրվարի 24-ից հետո առաջացած իրավական հարաբերությունների վրա»։

2023 թվականի փետրվարին Վրաստանի կառավարությունը որոշել էր թույլատրել  ուկրաինացիներին հանրապետությունում առանց վիզայի մնալ երկու տարի։