Ֆրանսիան Եվրամիությանն առաջարկել է  նոր պատժամիջոցներ սահմանել Ռուսաստանի դեմ։ Այս մասին հայտնել է Bloomberg-ը՝ հղում անելով իր տրամադրության տակ եղած փաստաթղթին։

Հաղորդվում է, որ Փարիզն անհրաժեշտ է համարում նոր սահմանափակող միջոցներ կիրառել ֆիզիկական և իրավաբանական անձանց նկատմամբ, որոնց Ֆրանսիայի իշխանությունները կասկածում են ԵՄ երկրների դեմ «ապատեղեկատվական գործողություններ» կազմակերպելու և ընտրություններին միջամտելու մեջ։ Նման անձանց թվում Ֆրանսիան նշում է «Վագներ» ՄՌԿ-ի աշխատակիցներին։ Սահմանափակումներ մտցնելու դեպքում, նրանց մուտքը ԵՄ տարածք կարգելվի, իսկ ԵՄ-ում նրանց ակտիվները կսառեցվեն։

Ըստ Bloomberg-ի, Ֆրանսիայի առաջարկն արդեն պաշտպանել են Լատվիան, Լիտվան, Նիդեռլանդները, Լեհաստանը և Էստոնիան։