Ռուսաստանի Դաշնությունն օգտագործել է իր վետոյի իրավունքը ՄԱԿ-ի Անվտանգության խորհրդում (ԱԽ) և արգելափակել ԱՄՆ-ի և Ճապոնիայի բանաձևի նախագիծը՝ տիեզերքում զանգվածային ոչնչացման զենքեր (WMD) չտեղակայելու մասին։ Այս մասին հայտնում է RIA Novosti-ն։

Փաստաթղթին կողմ են քվեարկել Անվտանգության խորհրդի 15 երկրներից 13-ը, Չինաստանը ձեռնպահ է մնացել քվեարկությունից։

Միացյալ Նահանգները և Ճապոնիան ՄԱԿ-ի Անվտանգության խորհրդի բանաձև են մշակել, որը կոչ է անում պետություններին չմշակել միջուկային զենք կամ զանգվածային ոչնչացման այլ տեսակներ, որոնք նախատեսված են Երկրի ուղեծրում կամ երկնային մարմինների վրա տեղադրելու, ինչպես նաև դրանք ցանկացած այլ ձևով տիեզերքում տեղադրելու համար:

Ռուսաստանն ու Չինաստանն առաջարկել են լրացում կատարել այս փաստաթղթում։ Համաձայն դրա՝ բոլոր երկրները պետք է «հրատապ միջոցներ ձեռնարկեն՝ մշտապես կանխելու զենքի տեղակայումը տիեզերքում և ուժի կիրառման սպառնալիքը տիեզերքում՝ տիեզերքից դեպի Երկիր և Երկրից դեպի արտաքին տիեզերքում գտնվող առարկաներ»։ Սակայն ՄԱԿ-ի Անվտանգության խորհուրդը չի ընդունել այս ուղղումը։