Ուկրաինայի պաշտպանության նախարարության գլխավոր հետախուզական վարչությունը պնդում է, որ Մոսկվայի օդանավակայանում ոչնչացվել է Ка-32 ուղղաթիռ։
«2024 թվականի ապրիլի 26-ի լույս 26-ի գիշերը Մոսկվայում՝ ՌԴ ՊՆ Օստաֆևո օդանավակայանում, ոչնչացվել է հակառակորդի Ka-32 բազմանպատակային ուղղաթիռը»,- ասվում է հաղորդագրության մեջ։
Օստաֆևոն Օստաֆևո միջազգային բիզնես օդանավակայան է, որը գտնվում է Նոր Մոսկվայում Պոդոլսկից հյուսիս: Այն սպասարկում է ներքին բիզնես թռիչքներ և«Գազպրոմ Ավիա»-ի հիմնական բազան է, ասվում է օդանավակայանի կայքում:
Հետախուզության գլխավոր վարչությունը պնդում է, որ օդանավակայանը շահագործում է «Գազպրոմ Ավիա»-ն՝ պաշտպանության նախարարության հետ համատեղ։
«Ոչնչացված ինքնաթիռն ագրեսոր պետությունն օգտագործել է Մոսկվայի ավիացիոն կենտրոնի շահերից ելնելով, մասնավորապես՝ ռուսական օկուպացիոն բանակի գործողություններին աջակցելու համար»,- ասվում է Ուկրաինայի ռազմական հետախուզության մամուլի հաղորդագրությունում։ Telegram-ում հաղորդագրությանը կցված է տեսանյութ։
Ռուսաստանի պաշտպանության նախարարությունը չի մեկնաբանել այս հայտարարությունը։
