Ապրիլի 28-ի լուսադեմին Ուկրաինայի հարավում գտնվող Նիկոլաև քաղաքում օդային տագնապի ընթացքում պայթյուններ են որոտացել, հայտնում է «Ուկրաինսկայա պրավդան»։
Առավոտյան քաղաքապետ Սենկևիչը հայտնել է, որ ռուսաստանյան զորքերը անօդաչուներով հարձակվել են Նիկոլաևի վրա։
Հարվածի հետևանքով հրդեհ է բռնկվել հանգստի օբյեկտում։
Ըստ քաղաքապետի, 20 քմ տարածք ընդգրկած հրդեհը փրկարարները մարել են։ Վնասներ կան։
Արտակարգ իրավիճակների պետական ծառայությունն իր հերթին տեղեկացրել է, որ քաղաքի վրա անօդաչուի հարվածի հետևանքով վնասվել է հյուրանոցի շենքը։ Հրդեհը մարվել է։
Շարքից դուրս են եկել մոտակայքում գտնվող մեկ այլ հյուրանոցի պատուհանները, վնասվել են մեքենաներ։ Բացի այդ, վնասվել է ենթակառուցվածքի օբյեկտը։
