![](img/news/82/40/63/default.jpg)
Սլովակիայի վարչապետ Ռոբերտ Ֆիցոյի վիճակը շաբաթ օրը մնում է կայուն, բայց ծանր, տեղեկացրել է АР-ը։
Ուրբաթ երկու ժամ տեւած վիրահատությունը «նպաստել է դրական կանխատեսմանը», տեղեկացրել է առողջապահության նախարար Զուզանա Դոլինկովան։
Սպանության փորձի մեջ կասկածվող մարդն առաջին անգամ կանգնել է դատարանի առջեւ։ Դատախազները փորձում են Սլովակիայի Մասնագիտացված քրեական դատարանից հասնել կասկածյալի ձերբակալության։
Դատախազներն արգելել են ոստիկանությանը հրապարակայնորեն ճանաչել տղամարդու ինքնությունը կամ գործի այլ մանրամասներ բացահայտել, բայց, ԶԼՄ-ների տվյալներով, դա 71-ամյա թոշակառու է, որը հայտնի է որպես սիրողական բանաստեղծ, որը, գուցե, մի ժամանակ պահապան է աշխատել երկրի հարավ-արեւմուտքում գտնվող առեւտրի կենտրոնում։
Երկրի իշխանությունները հայտնել են, որ կասկածյալը չի պատկանում որեւէ քաղաքական խմբի, թեեւ հարձակումն ինքնին կատարվել է քաղաքական դրդապատճառներով։