Բժշկական փորձաքննությունը պարզել է, որ Սաուդյան Արաբիայի թագավոր Սալման բեն Աբդել Ազիզ Ալ Սաուդը թոքաբորբ է ունեցել, ասվում է թագավորական գրասենյակի հաղորդագրության մեջ, որը տարածել է Սաուդյան SPA լրատվական գործակալությունը։
«Իսլամական երկու սուրբ մզկիթների Պահապանն ավարտել է բժշկական հետազոտությունը, որն իրականացվել է Ջիդայի Ալ-Սալամ պալատի թագավորական կլինիկայում, նրա մոտ թոքաբորբ է հայտնաբերվել, և բժիշկները որոշել են, որ նա պետք է հակաբիոտիկ բուժում անցնի բորբոքումը դադարեցնելու համար», ասված է գրասենյակի հաղորդագրության մեջ։
Կիրակի օրը Սաուդյան Արաբիայի միապետի գրասենյակը հայտնել է, որ թագավորը բարձր ջերմության և հոդացավերի պատճառով ընդունվել է Ջիդայի հիվանդանոց՝ հետազոտության համար:
