Շիբա Ինու շունը՝ Կաբոսուն, ով դարձել է Doge-ի (ճապոնական «Դոջի» ընթերցմամբ) նախատիպը, մահացել է Ճապոնիայում, հայտնում է նրա տերն իր բլոգում։
«Շնորհակալություն, Կաբո-չան: Այսօր՝ մայիսի 24-ին՝ առավոտյան ժամը 7.50-ին, Կաբո-չանը խոր քուն է մտել։ Անցած գիշեր, ինչպես միշտ, նա կերավ ու ջուր խմեց։ Մի գեղեցիկ առավոտ, երբ փափուկ լույսն ընկավ պատուհանից, դրսում թռչունները երգում էին, նա հանգիստ հեռացավ, քնեց, մինչ ես շոյում էի նրան։ Շնորհակալ եմ նրան այսքան ժամանակ սիրելու համար: Իմ կարծիքով՝ Կաբո-չանը աշխարհի ամենաերջանիկ շունն էր: Իսկ ես աշխարհի ամենաերջանիկ տնային տնտեսուհին էի»,- ասվում է գրառման մեջ։
Շան տերը հայտնում է նաև, որ շանը հրաժեշտը տեղի կունենա մայիսի 26-ին։
Կաբոսուն ծնվել է 2005թ.-ին։ Նա եկել է կամավորների մոտ այն բանից հետո, երբ սելեկցիոները, ում տանը նա ապրում էր, սնանկացել է: Նրան գտել է թափառող շների բարեգործական կենտրոնում նրա տերը, ով սկսել է բլոգ գրել՝ նվիրված իր ընտանի կենդանիներին՝ 2009 թվականին։ Մոտ 2010 թվականից ի վեր Կաբոսուն դարձել է Doge-ի ինտերնետային մեմերի նախատիպը: Կաբոսու անունը նրան տվել են կամավորները, ենթադրաբար այն պատճառով, որ նրա դեմքը սովորական կլոր ձևով ցիտրուսային «կաբոսու» է հիշեցնում։
