![](img/news/82/56/56/default.jpg)
Եվրամիությունը ցանկանում է աշնանը կազմակերպել համաժողով Ուկրաինայի վերաբերյալ՝ Ռուսաստանի մասնակցությամբ, որը կարող է տեղի ունենալ Սաուդյան Արաբիայում։ Այս մասին գրել է Bloomberg-ը՝ հղում կատարելով աղբյուրներին։
«Պաշտոնական անձանց խոսքով՝ ԵՄ-ի համար կարեւոր հարց է այն, թե ինչպես եկող ամիս [Շվեյցարիայում] համաժողովից աշնանն անցնել հնարավոր հանդիպման Սաուդյան Արաբիայում՝ Ռուսաստանի մասնակցությամբ»,- նշվել է տեքստում։
Մայիսի սկզբին Շվեյցարիայի ԱԳՆ-ն հաստատել էր Ուկրաինայի վերաբերյալ համաժողովի անցկացման ժամկետը։ Միջոցառումը տեղի կունենա Բյուրգենշտոկում հունիսի 15-16-ին։ Հրավիրյալների մեջ են G7-ի, G20-ի, ԲՐԻԿՍ-ի երկրները։ Ընդհանուր առմամբ, 160 պատվիրակություն 120 երկրներից։ Ուկրաինայի նախագահ Վլադիմիր Զելենսկին նախատեսում է ներկայացնել իր «խաղաղության բանաձեւը» եւ ակնկալում է համաշխարհային հանրության աջակցությունը։ Ռուսաստանը չկա հրավիրվածների ցուցակում։ ՌԴ ԱԳՆ-ում համաժողովի անցկացումը համարում են «դեպի ոչ մի տեղ չտանող ճանապարհ»։