Փոխհրաձգությունը տեղի է ունեցել սահմանամերձ Ռաֆահ քաղաքի անցակետի մոտ, որտեղ այս պահին մարտեր են ընթանում, գրում է Bild-ը։ ԶԼՄ-ների տեղեկություններով՝ եգիպտացի զինծառայող է զոհվել։ Իսրայելական բանակն ասում է, որ հետաքննում է միջադեպը և կապի մեջ է Կահիրեի հետ:

Իսրայելական Yedioth Ahronot թերթի փոխանցմամբ՝ եգիպտացիները կրակել են իսրայելցիների ուղղությամբ Ռաֆահի սահմանային անցակետում, որից հետո Իսրայելի պաշտպանության բանակի զինվորները պատասխան կրակ են բացել։ Անցակետը փակ է մայիսի սկզբից այն բանից հետո, երբ Իսրայելը գրավեց սահմանային գոտին։