News
Լրահոս
News
Շաբաթ
Հունիս 22
Տեսնել լրահոսը

Արդեն երրորդ օրն է, ինչ շարունակվում է ՌԴ նախագահ Վլադիմիր Պուտինի այցն Ուզբեկստան, երկու երկրների ղեկավարները առարկայական զրույցի բազմաթիվ թեմաներ ունեն։ Ինչպես հայտնել է ՌԴ նախագահի մամուլի քարտուղար Դմիտրի Պեսկովը ВГТРК-ի լրագրող Պավել Զարուբինին, Ուզբեկստանի առաջնորդ Շավքաթ Միրզիյոևը իր ռուս գործընկերոջը հրավիրել է իր տուն, քանի որ զրույցը տևել է մինչև գիշերվա երեքը, փոխանցում է ТАСС-ը։

«Երեկ նրանք երկուսով զրուցել են մինչև գիշերվա ժամը երեքը»,- ասել է Պեսկովը։ «Ուզբեկստանի նախագահը [Ռուսաստանի] նախագահին հրավիրել է տուն, որտեղ նա ապրում է»։ «Սա բացարձակապես վստահելի հաղորդակցություն է, իսկական անձնական բարեկամություն»,- ասել է Կրեմլի ներկայացուցիչը։

Պեսկովի խոսքով՝ այցի երրորդ՝ լրացուցիչ օրը, երկու երկրների ղեկավարները «որոշել են օդանավակայան մեկնելուց առաջ միասին կիսաանձնական, կիսաշխատանքային նախաճաշ անել»։

Կրեմլի ներկայացուցիչն ընդգծել է Պուտինի և Միրզիոևի լավ հարաբերությունները. «այդ պատճառով նրանք երկար ժամանակ այստեղ են»: «Բացարձակապես ամեն ինչ ունի գործնական նշանակություն, և քննարկվում են ամենալուրջ հարցերը»,- ասել է ՌԴ նախագահի մամուլի քարտուղարը։

«Երկկողմ հարաբերությունների շրջանակն ու օրակարգն այնքան առարկայական են, այնքան կոնկրետ և այնքան ընդարձակ, որ պահանջում է պետությունների ղեկավարների կողմից բավականին մանրամասն քննարկումներ։ Դրանով է բացատրվում նաև ռուսական պատվիրակության աննախադեպ մեծ կազմը»,- ասել է Պեսկովը։

!
Այս նյութը հասանելի է նաև   Русский
Տպել
Ամենաշատ