Օկրուգային դատախազ Ջոշուա Սթեյնգլասը համոզված է, որ ատենակալների ժյուրին պետք է ԱՄՆ նախկին նախագահ Դոնալդ Թրամփին մեղավոր ճանաչի Trump Organization ընկերության ֆինանսական փաստաթղթերը կեղծելու մեջ նախկին պոռնոդերասանուհի Սորմի Դենիելսի վճարելու ժամանակ։ Այս մասին նա հայտնել է երեքշաբթի՝ ելույթ ունենալով Նյու Յորքի դատարանում։
«Հետեւեք առողջ բանականությանը եւ դատավորի իրավաբանական կարգադրություններին։ Խնդրում եմ ձեզ դատապարտյալին մեղավոր ճանաչել»,- ասել է դատախազն ատենակալներին։ Նրա խոսքերը մեջբերել է CNN հեռուստաընկերությունը։ Սթեյնգլասի ելույթը շարունակվել է մոտ հինգ ժամ։
Թրամփը դատարանի դահլիճից հեռացել է՝ առանց մեկնաբանությունների։ Սովորաբար նա լրագրողների համար հայտարարություններ է անում։ Այս անգամ, ինչպես նշել է NBC հեռուստաընկերությունը, նա չի շփվել մամուլի հետ եւ միայն «բռունցքն է բարձրացրել»՝ հեռանալով։ Ավելի ուշ Truth Social սոցցանցի իր էջում Թրամփը դատավարությունն անվանել է «կեղծված»։
Մայիսի 21-ին Rasmussen Reports հետազոտական կազմակերպությունը հրապարակել է հարցման արդյունքները, որոնցից երեւում է, որ ամերիկացի ընտրողների կեսից ավելին (53 տոկոս) կարծում է, որ Թրամփին մեղավոր կճանաչեն ֆինանսական փաստաթղթերի կեղծման մեջ։
