ԱՄՆ նախկին նախագահ Դոնալդ Թրամփը հայտնել է, որ կռմբակոծեր Մոսկվան՝ ի պատասխան Ուկրաինա ռուսական բանակի ներխուժման։ Նա նաեւ պատրաստ է ռմբակոծել Պեկինը, եթե Չինաստանը փորձի զավթել Թայվանը։ Այս մասին նա ասել է դոնորների հետ հանդիպումներից մեկի ժամանակ, The Washington Post-ին պատմել են իրազեկ աղբյուրները։

Նրանց խոսքով՝ Թրամփը «զարմացրել է որոշ դոնորների» այդպիսի հայտարարություններով։ Նախկին նախագահը դոնորներից խնդրում է միլիոն դոլարներ, նշել է WaPo-ն։ Նա իրեն աջակցելու անհրաժեշտությունը հիմնավորում է նաեւ նրանով, որ գործող նախագահ Ջո Բայդենը մտադիր չէ երկարացնել իջեցված հարկերի գործողության ժամկետը հարուստ ամերիկացիների եւ կորպորացիաների համար։