Ճապոնիայում գրանցվել է դիտարկումների պատմության մեջ ամենաբարձր օդի ջերմաստիճանը, հայտարարել է Ազգային օդերևութաբանական վարչությունը։

Ճապոնիայի Հյոգո պրեֆեկտուրայում օդի ջերմաստիճանը հասել է ռեկորդային 41.2°C-ի։ Նախորդ ռեկորդը գրանցվել էր 2020 թվականի օգոստոսին՝ Համամացու քաղաքում, երբ օդի ջերմաստիճանը հասել է մինչև 41.1°C։ Ճապոնացի օդերևութաբանները նախազգուշացնում են, որ հուլիսի 31-ին շոգը երկրի այս տարածաշրջանում կարող է ավելի ուժեղանալ։ Նրանք կոչ են անում մարդկանց շատ հեղուկ օգտագործել, գլխարկներ կրել, երկար ժամանակ արևի տակ չմնալ և խուսափել ջերմային հարվածներից։

Ճապոնիայում ամենատաք ամիսները սովորաբար հուլիսն ու օգոստոսն են։ Երկրի որոշ շրջաններում, այդ թվում՝ Տոկիոյում, ջերմաստիճանը հասել է մոտ 35 աստիճան Ցելսիուսի, իսկ արևի տակ ջերմաչափերը ցույց են տալիս 37 աստիճան Ցելսիուս։ Ամեն տարի Ճապոնիայում ջերմային հարվածների պատճառով տասնյակ հազարավոր մարդիկ են հոսպիտալացվում, ինչպես նաև գրանցվում են հարյուրավոր մահեր։