Միջանցք այլևս չկա։ Թրամփ-Փաշինյան-Ալիև գագաթնաժողովի գլխավոր թեման կլինի «Թրամփի միջազգային խաղաղության և բարգավաճման երթուղի» (TRIPP) անվանումով տարանցիկ և զարգացման նոր ծրագիրը։ Դրա մասին սոցիալական ցանցերում գրել է լրագրող Ալեքս Ռաուֆօղլուն։
«Թրամփի երթուղու» ենթակառուցվածքների զարգացման ծրագիրը, որը պետք է կապի Հայաստանը և Ադրբեջանը, կներկայացվի Սպիտակ տան խաղաղության գագաթնաժողովում։
«Այս ուրբաթ Թրամփի, Փաշինյանի և Ալիևի միջև անցկացվելիք հանդիպումից առաջ ես զրուցել եմ մի քանի ամերիկացի պաշտոնյաների հետ։
Ուրբաթ օրվա գագաթնաժողովը վերջնական խաղաղության համաձայնագիր չէ, այլ կարևոր քայլ, որը հիմք է դնում երկարատև խաղաղության համար։ Ղեկավարները մի շարք փաստաթղթեր կստորագրեն»,- նշել է նա։
