Վրաստանի նախկին նախագահ, ԽՍՀՄ նախկին արտգործնախարար Էդուարդ Շեւարդնաձեն զգուշացրել է, որ Վրաստանի գործող նախագահ Միխայիլ Սահակաշվիլին կարող է Իրանի դեմ պատերազմի մեջ մտնել` հանուն պաշտոնի պահպանման:
«Չեմ բացառում, որ Սահակաշվիլին իր պաշտոնը պահպանելու համար ներգրավվի Իրանի դեմ ռազմական միավորմանը, ինչն աղետալի կլինի մեր երկրի համար», - նշել է նա` նշելով, որ այդ հարցը կարող է Սահակաշվիլիի եւ ԱՄՆ նախագահ Բարաք Օբամայի հունվարի 30-ին Սպիտակ տանը կայանալիք բանակցությունների թեմա դառնալ, հաղորդում է «Գռուզիա-online»-ը:
Ըստ նրա` ոչ մի կերպ չի կարելի թույլ տալ Վրաստանի տարածքում հակաիրանական քարոզչության անցկացումը: