Լիբիայում Ազգային անցումային խորհրդի ուժերը կուտակվում են Բանի Վալիդ քաղաքի մոտ, որը նախօրեին գրավվել է երկրի նախկին առաջնորդ Մուամար Քադաֆիի կողմնակիցների կողմից:
Ինչպես հաղորդում է «Վզգլյադը», Լիբիայի տարբեր շրջաններից ուժեր են շարժվում դեպի Բանի Վալիդ: Տրիպոլիից 160 կմ հարավ-արեւելք գտնվող քաղաքի ավագանիներն արդեն հայտարարել են, որ սեփական կառավարությունն են ձեւավորում եւ հրաժարվում են ենթարկվել Տրիպոլիին:
Կառավարական ջոկատների անդամների վկայությամբ` հակառակորդը լավ զինված է, այդ թվում` ծանր զրահատեխնիկայով: