Փոփ-երաժշտության թագուհի Մադոննան թեժ մրցակցության պայմաններում պահպանել է իր թագավորական տիտղոսը, նրան ճանաչել են երաժշտության պատմության լավագույն կատարող: 53-ամյա երգչուհին գլխավորել է VH1-ի վարկանշային աղյուսակը, որը կազմվել է վերջին 20 տարիների երաժշտական ձեռքբերումների հիման վրա: Մադոննան ավելի շատ «Like»-եր է հավաքել, քան Լեդի Գագան եւ Բիոնսեն:
Մադոննայի հետ միասին լավագույն տասնյակում են հայտնվել նաեւ Մրայա Քերին, Լեդի Գագան եւ բրիտանացի Ադելը: Վեցերորդ տեղն է զբաղեցրել հանգուցյալ Ուիթնի Հյուսթոնը: Նրան հաջորդում են Ջանեթ Ջեքսոնը, Քրիստինա Ագիլերան, Մերի Ջեյ Բլայջը եւ Փինքը, գրում է «Կլեո»-ն:
