Ավստալիայի Նոր Հարավային Ուելսի խորհրդարանի պատգամավոր Ուոլթ Սեկորդը, հանդես գալով խորհրդրանի օրենսդիր խորհրդի նիստում, Թուրքիայի կառավարությանը քննադատել է Հյաոց ցեղասպանության ժխտման համար:
«Թուրքիան ժխտում է 1,5 մլն հայերի սպանությունը. դա նողկալի է»,-հայտարարել է նա` դիմելով գործընկերներին:
Նրա խոսքով` ժամանակն է, որ Անկարան ընդունի անցյալը եւ ճանաչի Օսմանյան կայսրությունում Հայոց ցեղասպանության փաստը:
Իր ելույթում նա պատգամավորներին ներկայացրել է վերջերս Երեւանում Հայոց ցեղասպանության թանագարան-ինստիտուտ այցի տպավորությունները:
«Ցավոք, մեզնից քչերը գիտեն Հայոց ցեղասպանության մասին: Հենց պատմական այդ փաստի ժխտումն է թույլ տվել լռելյայն հետեւել դեպի Օսվենցիմ փոխադրումներին, ինչպես նաեու համակենտրոնացված ճամբարից բարձրացող ծխին»,-ընդգծել է Սեկորդը:
Նա նաեւ երախտագիտություն է հայտնել Ավստրալիայի հայ ազգային կոմիտեին` վերջերս Հայաստան եւ Լեռնային Ղարաբաղ կատարած այցին աջակցելու համար եւ խոստացել է հետագայում եւս աջակցել կազմակերպության քարոզչական գործունեությանը, հաղորդում է ավստրալահայերի կայքը: