Սեւծովյան տնտեսական համագործակցության Խորհրդարանական վեհաժողովի (ՍԾՏՀ ԽՎ) նախագահը հայտարարել է, որ սեւծովյան տարածաշրջանը կարող է ավելի գրավիչ լինել, քան եվրագոտին, տեղեկացնում է թուրքական «Today’s Zaman»-ը:
«Կառույցի 20-ամյակի կապակցությամբ Սեւծովյան տնտեսական զարգացման հատուկ հայեցակարգ կմշակվի»,-ասել է ԽՎ նախագահ Իսմայիլ Սաֆին Ստամբուլում կառույցի մշտական կոմիտեի նիստում:
Նիստին մասնակցել են Հայաստանի, Ռուսաստանի, Թուրքիայի, Ադրբեջանի, Բուլղարիայի, Վրաստանի, Հունաստանի եւ Ուկրաինայի ներկայացուցիչներ:
Հիշեցնենք, որ ՍԾՏՀ ստեղծման մասին Բոսֆորյան հայտարարությունը 11 երկրների ղեկավարների կողմից ստորագրվել էր 1992թ. հունիսի 25-ին: Փաստաղթուղթը ստորագրել էին Հայաստանը, Ալբանիան, Ադրբեջանը, Բուլղարիան, Հունաստանը, Վրաստանը, Մոլդովան, Ռումինիան, Ռուսաստանը, Թուրքիան եւ Ուկրաինան: