Փետրվարի 20-ին, ժամը 11.30-ի սահմաններում անհայտ չարագործը Յալթայի հայ առաքելական եկեղեցուց գողացել է հանգանակությունների դրամարկղը:
Ինչպես տեղեկացնում է «Լրագրողական հետաքննությունների կենտրոնը», վկայակոչելով Յալթայի ոստիկանական վարչությանը, դիտարկման տեսախցիկը արձանագրել է, թե ինչպես է մոտ 170սմ հասակով եւ միջին կազմվածքով տղամարդը վերցնում դրամարկղն ու արագ հեռանում:
Բացի այդ, եկեղեցում գտնվող մարդիկ եւս նկատել են հանցագործին: Վնասի չափը հայտնի չէ: Հարուցվել է քրեական գործ, հանցագործը փնտրվում է: