Հայաստանի Վերահսկիչ պալատի նախագահ Իշխան Զաքարյանի գլխավորած պատվիրակությունը փետրվարի 27-ին կմեկնի Հնդկաստան:
Վերահսկիչ պալատի մամուլի ծառայությունից NEWS.am-ին հայտնում են, որ ՎՊ նախագահը կմասնակցի Ջայպուրում կայանալիք Ասիական երկրների Բարձրագույն վերահսկիչ մարմինների / ASOSAI /12-րդ համագումարին:
Օրակարգում ընտրված են մի շարք հարցեր, այդ թվում «2009-2011 ֆինանսական եւ ֆիսկալ տարիների ASOSAI ֆինանսական hաշվետվությունների հաստատումը եւ Աուդիտի հանձնաժողովի» զեկույցը, ինչպես նաեւ 2012-2015 թվականների ASOSAI Ռազմավարական ծրագրի իրականացման վերաբերյալ միջնաժամկետ ծրագիրը: Համագումարի ընթացքում կքննարկվի նաեւ Ասիական եւ Եվրոպական երկրների բարձրագույն վերահսկիչ մարմինների / ASOSAI –EUROSAI / համագործակցության ծրագիրը եւ կստորագրվի փոխըմբռնման հուշագիր:
Նշենք, որ համագումարի ընթացքում նախատեսված է նաեւ 2012-2015թթ.ASOSAI նախագահության փոփոխություն: