Թուրքիայի Մուղլա նահանգի Մարմարիսի շրջանում ծովափին հայտնաբերել են բութ գործիքով վնասվածքներ ստացած եւ պարանով խեղդված ծովային մի կրիայի։

Թուրքական Mynet կայքի փոխանցմամբ՝  անցորդների կողմից  հայտնաբերված մոտ 25 կգ կշիռ ունեցող սատկած ծովային կրիան ենթարկված է եղել կտտանքների։ Փամուքալեյի համալսարանին կից ծովային կրիաների պահպանության կենտրոնի պրոֆ. Յաքուփ Քասքան տեսնելով սատկած կրիայի լուսանկարները՝ նշել է, թե այդ ամենն անողը մարդ չի կարող կոչվել։