Աթենքում փետրվարի 25-ի երեկոյան ոտիկանությունը հզոր պայթուցիկ սարք է վնասազերծել, որը տեղադրված է եղել մետրոյի գնացքում: Այն դրված է եղել նստատեղի տակ` տոպրակի մեջ:
Ինչպես տեղեկացնում է ԻՏԱՌ-ՏԱՍՍ-ը, ռումբը նկատել է մեքենավարը եւ տեղեկացրել ոստիկանությանը: Վնասազերծելուց հետո այն տարվել է լաբորատորիա` հետազոտման:
Հունաստանում պետական սեփականության օբյեկտների վրա հարձակումների համար հաճախ մեղադրում են անարխիստներին, սակայն տրանսպորտային համակարգը նրանց կողմից երբեւէ գրոհի չի ենթարկվել, գրում է «Վեստին»:
