ԱՄՆ Նյու Ջերսի նահանգի Ջեֆերսոն քաղաքում հայազգի Ամբարօղլուի սպանության համար 34-ամյա Ռոնի Ֆեդոն մարտի 2-ին դատապարտվել է 25 տարվա ազատազրկման:
Ֆեդոն հայտարարել էր, որ հունիսի 25-ին «Getty» ավտոլցակայնից գողացել է ըմպելիք եւ վիճակախաղի երկու տոմս: Ամբարօղլուն հետապնդել է նրանց` հասնելով վարորդի պատուհանին, սակայն Ֆեդոն քշել է մեքենան`հետը քաշ տալով 65-ամյա Ամբարօղլուին:Ամբարօղլուն կնոջ եւ երկու երեխաների հետ Նյու Ջերսի էր տեղափոխվել 12 տարի առաջ` Թուրքիայից:
Նա պատրաստվում էր տուն գնել եւ վերջերս էր իր ավագ որդուն` Մուրադին քոլեջ ուղարկել:«Նա աշխատում էր օր ու գիշեր, որպեսզի մենք լավ վիճակում լինենք: Նա գիտեր, ինչ է նշանակում լինել հուսահատ եւ աղքատ, սակայն երբեք չէր վերցնի մեկ դրամ, եթե դա իրենը չէր», -դատարանում ասել է սպանվածի որդին: