Ռուսաստանի նախագահ Դմիտրի Մեդվեդեւը մարտի 25-ին մինչեւ Սեուլ մեկնելը «Վնուկովո- 2» օդանավակայանում հանդիպել է Սիրիայի հարցով ՄԱԿ-ի եւ ԱՊԼ հատուկ բանագնաց Քոֆի Անանի հետ:
Ինչպես տեղեկացնում է «ՌԻԱ Նովոստին» Մեդվեդեւն ու Անանը քննարկել են Սիրիայի իրավիճակի խաղաղ կարգավորմանն առնչվող հարցեր:
Նշենք, որ մարտի 25 –ին կայացել էր նաեւ Ռուսաստանի արտգործնախարար Սերգեյ Լավրովի եւ Քոֆի Անանի դռնփակ հանդիպումը: «Ընդհանուր առմամբ Ռուսաստանը բավարարված է Անանի գործունեությամբ: Հիմա պետք է թողնել, որպեսզի Անանի առաքելությունն աշխատի, եւ ապագայում տեսանելի կլինի` ՄԱԿ ԱԽ-ի կողմից կպահանջվի արդյոք լրացուցիչ արձագանք: Ոչ մի վերջնաժամկետ չկա, պետք է տեսնել, ինչպես կզարգանա իրավիճակը»,- «Ինտերֆաքսին» ասել է Ռուսաստանի փոխարտգործնախարար Գենադի Գատիլովը:
