Հոլիվուդյան հայտնի ռեժիսոր Ջեյմս Քեմերոնը մարտի 25-ին սկսել է սուզումը Մարիանյան իջվածքում` 7 մլն դոլար արժողությամբ հատուկ սարքավորումով:

Ինչպես հայտնում է Lenta.ru-ն, վկայակոչելով Agence France-Presse-ը, Քեմերոնը մտադիր է հասնել Չելլենջերի խորխորատին` Մարիանյան իջվածքի ամենախոր կետին:

Այն դեպքում, երբ Քեմերոնին հաջողվի DeepSea Challenge բատիսկաֆով հասնել Չելենջերի խորխորատին, նա կդառնա երրորդ մարդը, ով կարողացել է անել դա: Առայժմ օվկիանոսի ամենախոր կետին կարողացել են հասնել Դոն Ուոլշն ու Ժակ Պիկարը: Նրանք մոլորակի ամենախոր կետին հասել էին 1960թ.: