Հայաստանի ԱԳ փոխնախարար Զոհրաբ Մնացականյանն, այսօր` մարտի 26-ին, ընդունել է Քեմբրիջի համալսարանի միջազգային հարաբերությունների եւ քաղաքագիտության ֆակուլտետների մի խումբ ուսանողների:
ԱԳՆ մամուլի ծառայությունից NEWS.am-ին հայտնում են, որ փոխնախարար Մնացականյանը ներկայացրել է Հարավային Կովկասին վերաբերող մի շարք տարածաշրջանային հարցեր, Եվրոպական կառույցների հետ Հայաստանի համագործակցության հիմնական ուղղությունները: Նա հանգամանալից խոսել է նաեւ հարեւան պետությունների հետ հարաբերությունների մասին եւ անդրադարձ է կատարել ցեղասպանության ճանաչման գործընթացին եւ Արցախյան հիմնահարցի պատմությանն ու վերջին զարգացումներին:
Այնուհետեւ փոխնախարար Մնացականյանը եւ ԱԳ նախարարի խորհրդական, մամուլի, տեղեկատվության եւ հասարակայնության հետ կապի վարչության պետ Տիգրան Մկրտչյանը պատասխանել են ուսանողներին հետաքրքրող հարցերին:
