Նովեգիան որոշում է կայացրել ժամանակավորապես փակել դեսպանատունը Սիրիայում անվտանգության նկատառումներով: Այդ մասին, այսօր` մարտի 26-ին, հայտարարել է Նորվեգիայի արտգործնախարար Յոնաս Գար Ստերեն:
Դիվանագիտական ներկայացուցչությունը դադարեցնում է աշխատանքը մինչեւ ԱԳՆ-ի հատուկ հրահանգը: Նախարարը նշել է, թե դիվանագետներից մեկը մնալու է Սիրիայում եւ աշխատելու է Դանիայի դեսպանատնից, կապեր պահելով քաղաքական գործիչների հետ եւ հաղորդելով իրավիճակի մասին:
Նորվեգիայի ԱԳՆ-ն նաեւ իր քաղաքացիներին խորհուրդ է տվել զերծ մնալ Սիրիա այցելելուց: