Համացանցային համաշխարհային Yahoo! Կորպորացիայում հաջորդ շաբաթվա սկզբին զանգվածային կրճատումներ կսկսվեն, որոնք կվերաբերեն հազարավոր մարդկանց:

Ինչպես հայտնում է AllThingsD բլոգը, դրանից հետո  Yahoo!-ն կհայտարարի ընկերության վերակառուցողականության մասին: Ներկայումս  Yahoo!-ն հրաժարվում է մեկնաբանել բլոգի այդ հաղորդագրությունը, որն հրապարակվել է  The Wall Street Journal կայքում:

Այն բանից հետո, երբ 2000-ականների սկզբում Yahoo!-ն առաջնությունը, որպես որոնիչ, զիջել էր Google-ին, ընկերությունն, ըստ փորձագետների  մեծամասնության, ներկայումս էլ շարունակում է ինքնության փնտրտուքները: Արդյունքում Yahoo!-ն փորձում է կենտրոնանալ տեղեկատվական բովանդակության վրա, որոնիչը հանձնել է  Microsoft-ին եւ չի կարողացել հանրահայտ սոցիալական ցանց ստեղծել,  գրում է gazeta.ru-ն: