Մարտի 30-ին, ժամը 04.30-ին, ոստիկանության Արաբկիրի բաժնի ծառայողները, գողություն կատարելու կասկածանքով, Արամ Խաչատրյան փողոցի թիվ 20 շենքի մոտից բերման են ենթարկել 44-ամյա Կամո Ա.-ին: Նրա մոտ հայտնաբերվել է տեսախցիկ, երկու հեռուստացույց, հեռակառավարման 3 վահանակ, ալեհավաքի սարք, օծանելիք եւ ակնոց:
Ոստիկանության լրատվական վարչությունից հայտնում են, որ կամո Կ.-ն խոստովանել է, որ հայտնաբերված ապրանքներն ընկերոջ՝ 50-ամյա Արտավազդ Վ.-ի հետ, գողացել են ժամը 4-ի սահմաններում, Ա. Խաչատրյան փողոցի 20-րդ շենքի մի բնակարանից: Իսկ բնակարան են մտել ամբարձիչ ավտոմեքենայի օգնությամբ՝ բնակարանի պատուհանի ճաղավանդակը լայնացնելով եւ տեխնիկական միջոցների գործադրմամբ պատուհանը բացելով:
Գողոնն առգրավված է, ձեռնարկվում են միջոցառումներ Արտավազդ Վ.-ին հայտնաբերելու ուղղությամբ:
Կատարվում է նախաքննություն:
