Ճապոնիայի Ֆուկուսիմա նահանգի ափերից ոչ հեռու, Խաղաղ օվկիանոսում ապրիլի 1-ին 5,9 մագնիտուդով երկրաշարժ է տեղի ունեցել:
Ինչպես հաղորդում է «ՌԻԱ Նովոստին», վկայակոչելով Ճապոնիայի գլխավոր օդերեւութաբանական վարչությանը, երկրաշարժի հիպոկենտրոնը գտնվել է 50 կմ խորության վրա: Ստորերկրյա ցնցումներն զգացվել են 18 նահանգներում, այդ թվում` մայրաքաղաք Տոկիոյում:
Զոհերի եւ ավերածությունների մասին տեղեկություններ չկան: