Թունիսի նախագահ Մոնսեֆ ալ Մարզուկին երկրում գործող արտակարգ դրության ռեժիմը երկարաձգել է եւս մեկ ամսով` մինչեւ ապրիլի վերջը:
Ինչպես հաղորդում է «Վեստի FM»-ը, նման որոշման պատճառը եղել է Թունիսի մի շարք տարածաշրջաններում, ինչպես նաեւ մայրաքաղաքում անկայուն մթնոլորտը:
Նշենք, որ արտակարգ դրությունը մտցվել էր 2011թ. հունվարի 14-ին` բեն Ալիի ռեժիմի տապալումից հետո: Դրանից ի վեր Թունիսի իշխանություններն արտակարգ դրության ռեժիմը երկարաձգել են արդեն երեք անգամ:
