Երկու լեզվի տիրապետումը եւ նոր օտար լեզուների ուսումնասիրումը մի քանի տարով արգելակում է մտագարության զարգացումը: Նման եզրահանգման են եկել Յորքի համալսարանի գիտնականները:
Ինչպես հաղորդում է The Telegraph-ը, երկրորդ լեզուն ստիպում է, որ ուղեղն ակտիվ աշխատի, ինչի արդյունքում մարդու մոտ 3-4 տարվա հետաձգում է լինում:
Մեկ լեզվով խոսող մարդիկ «մտագարություն» ախտորոշումն ստանում են 75,4 տարեկանում, իսկ մի քանի լեզու իմացող մարդիկ` 78,6 տարեկանում:
Ավելի լավ են իրենց զգում այն մարդիկ, ովքեր ողջ կյանքում երկու լեզու են գործածել: Երկլեզվությունն ուղեղն այնպես է փոխում, որ այն պաշտպանված է լինում տկարամտությունից: