Սանկտ Պետերբուրգում, այսօր` մարտի 2-ին, տեղի է ունեցել բողոքի ակցիա` ուղղված Բելառուսի նախագահ Ալեքսանդր Լուկաշենկոյի բռնապետական քաղաքականության դեմ:
Սոցիալական ակտիվիստները «մահապատժի են ենթարկել» Լուկաշենկոյին` ի պատասխան Վլադիսլավ Կովալյովի եւ Դմիտրի Կոնովալովի գնդակահարության, որոնք դատապարտվել էին Մինսկի մետրոյում ահաբեկչություն կազմակերպելու համար:
Երիտասարդները այրել էին Լուկաշենկոյի տիկնիկը եկեղեցու առջեւ` անցորդների աչքի առաջ:
«Ինքնակոչ Լուկաշենկոն մարտի 17-ին մահապատժի ենթարկեց երկու մարդու: Վլադիսլավ Կովալյովը եւ Դմիտրի Կոնովալովը գնդակահարվեցին իշխանությունների կողմից կառավարվող դատարանի մտացածին մեղադրանքների պատճառով:
Երիտասարդներին զրկեցին կյանքից. դա բռնապետական վարչակարգի առավելագույն պատժամիջոցն է», - ասվում է ակցիայի մասնակիցների հայտարարության մեջ, հայտնում է «Օբոզրեւատելը»:
Ակտիվիստների խոսքով` սեփական ժողովրդի նկատմամբ բացահայտ ահաբեկչություն. ահա Բելառուսի կառավարման մոդելը: Նրանք առաջարկում են մահվան դատավճռին սպասելու փոխարեն «վերջ տալ բռնատիրությանը»:
«Մենք կշարունակենք սպանել բռնակալներին այնքան ժամանակ, քանի դեռ բռնակալներն սպանում են ազատ մարդկանց», - հայտարարել են ակտիվիստները:
