«Փաստ» օրաթերթը գրում է. «Արդեն տեւական ժամանակ է՝ Հայաստանի ամենաքննարկվող թեման Սահմանադրական դատարանի շուրջ ընթացող գործընթացներն ու Հրայր Թովմասյանի հրաժարականի պարտադրանքն է, որը նախաձեռնել են իշխանությունները։ 

Հասկանալի է, որ ուժային կենտրոններն ու կառույցները չեն կարող անտարբեր մնալ այս ամենի առումով: Նրանք, կարծես, առայժմ զբաղված են տեղեկություններ «ամբարելով»: 

Օրերս, սակայն, ԵԺԿ նախագահ Ժոզեֆ Դոլն արդեն իսկ հանդես եկավ հայտարարությամբ՝ իր մտահոգությունները հայտնելով Թովմասյանի անձի նկատմամբ տեղի ունեցած ոչ իրավաչափ գործողությունների մասով։ 

«Փաստ» թերթի տեղեկություններով, առաջիկայում կոշտ հայտարարությամբ հանդես կգա եւ իր կարծիքը կներկայացնի նաեւ Վենետիկի հանձնաժողովը, որն արդեն մեկ անգամ թեմայի հետ կապված որոշակի մեսիջներ էր հղել ՀՀ իշխանություններին։ 

Ի դեպ, մեր տեղեկություններով, Բրյուսելում նույնպես այս առիթով լուրջ անհանգստացած են եւ բավականին ուշադիր հետեւում են զարգացումներին: 

Մեր աղբյուրը փոխանցել է նաեւ, որ չի բացառվում՝ պաշտոնական Բրյուսելը նույնպես հանդես գա հայտարարությամբ»:

Առավել մանրամասն՝ թերթի այսօրվա համարում