Թերթը գրում է, որ երեկ հայտնի դարձավ ՀՀ ոստիկանապետի պաշտոնում Ալիկ Սարգսյանի վերջին հրամաններից մեկի բովանդակությունը, որը նա ստորագրել է պաշտոնանկ արվելուց երկու օր առաջ` հոկտեմբերի 30-ին: Համաձայն այդ հրամանի` հունիսի 15-ին Երեւանի մետրոյի «Գարեգին Նժդեհ հրապարակ» կայարանի մուտքի մոտ Արման Ենգիբարյանի վրա մահացու կրակ բացած ոստիկանը պարգեատրվել է «Օրենքի պատվար» մեդալով, իսկ նրա ծառայակիցը` գերազանց ծառայության կրծքանշանով: Ըստ ոստիկանության` Արման Ենգիբարյանը կասկածվում էր ավազակային մի շարք հանցագործություններ կատարելու մեջ: Նրա սպանության հետ կապված` ՀՔԾ-ում քննություն էր իրականացվել, որի արդյունքում ոստիկանների գործողությունները որակվել էին իրավաչափ: