Այն բանից հետո, երբ Գագիկ Ծառուկյանն օգոստոսին, ՀԱՊԿ գագաթնաժողովի օրերին, ջանք ու եռանդ չխնայեց «պատշաճ մակարդակով» ընդունելու Բելառուսի նախագահին, այս հանգամանքը մեծ դժգոհություն առաջ բերեց Ռուսաստանի քաղաքական վերնախավում: «Իրատես de facto»-ի տեղեկացմամբ՝ այդ մասին բավականին կոշտ հայ օլիգարխին տեղեկացրել է նրա մոսկվացի «կուրատորը» եւ ավելացրել, որ եթե հրավերը կրկնվի, ապա պատասխան միջոցառումները շատ տհաճ կլինեն: «Այս «վերջին նախազգուշացումը» խուճապահար է արել ոչ միայն Ծառուկյանին, այլեւ քաղաքականության գծով նրա մերձավորներին, որոնք հույս ունեն, որ կրեմլյան աջակցությունը, հակառակ իշխանությունների ցանկությանը, «Բարգավաճ Հայաստանին» կօգնի՝ շատ տեղեր ապահովելու խորհրդարանական ընտրություներում»,-գրում է թերթը:
