նախընտրելի դարձնելԹիվ 12 ընտրատարածքում մեծամասնական ընտրակարգով պատգամավորի թեկնածու առաջադրված Տիգրան Տեր-Պետրոսյանը այսօր` ապրիլի 19-ին հանդիպել է երկարաժամկետ դիտորդական առաքելությամբ Հայաստանում գտնվող ԵԱՀԿ/ԺՀՄԻԳ դիտորդներ Դանիելա Մալիյանսկա Միտեվսկային եւ Սոենեկե Ցիշեին:
Տիգրան Տեր-Պետրոսյանի նախընտրական շտաբից հայտնում են, որ հանդիպման ընթացքում քննարկվել են նախընտրական քարոզարշավին առնչվող հարցեր: Դիտորդները մանրամասն հետաքրքրվել են, թե ինչ նախընտրական խնդիրներ կան այս ընտրատարածքում` կապված թե’ ԸԸՀ-ի աշխատանքի եւ թե քարոզչության ընթացքի մասին:
Տիգրան Տեր-Պետրոսյանը դիտորդներին տեղեկացրել է ցուցակներում առկա անճշտությունների եւ գոյություն չունեցող հասցեների մասին: Բացի դա, Տիգրան Տեր-Պետրոսյանը տեղեկացրել է, որ թիվ 12 ընտրատարածքի մեծ մասում բացակայում են նախընտարկան պաստառների համար նախատեսված վահանակները, իսկ մեծ պաստառներ տեղադրելու համար համապատասխան ընկերությունները հրաժարվել են իրեն վահանակ տրամադրել: Տիգրան Տեր-Պետրոսյանը դիտորդներին նաեւ տեղեկացրել է, որ այլ թեկնածուներ այս ընթացքում խախտել են Ընտրական օրենսգիրքը:
