նախընտրելի դարձնելՌուսաստանի հետ տնտեսական պատերազմի նշաններ են նկատվում։ Դրա մասին Սարդարապատում նախընտրական քարոզարշավի շրջանակում, մայիսի 22-ին հեռարձակված փոդքաստի ժամանակ հայտարարել է «Լուսավոր Հայաստան» կուսակցության առաջնորդ, վարչապետի թեկնածու Էդմոն Մարուքյանը։
«Այսօր Փաշինյանը հայտարարեց, որ գազը չի թանկանա, խնդիրներ չկան, բայց մարդիկ արդեն իսկ խնդիրներ ունեն արտահանման, արտադրության և տարբեր փաստաթղթերի հետ։ Մենք մեծ թվով նամակներ ենք ստանում»,- հայտնել է Մարուքյանը։
Նա հավելել է, որ հայկական ապրանքների իրացման հիմնական շուկան խնդրահարույց է դառնում Հայաստանի իշխանությունների վարած քաղաքականության հետևանքով։
Նա նշել է, որ եթե իշխանությունը վերարտադրվի, Հայաստանը կկանգնի նոր սպառնալիքների առաջ։ «Նիկոլ Փաշինյանը, ասելով, թե Հայաստանը դուրս է բերել թակարդից, սխալվում է, քանի որ նա հենց ինքն է երկիրը մտցրել թակարդի մեջ։ Հետագայում նա կասի, որ դա չէր հասկանում»,- ընդգծել է Մարուքյանը։
Նա նշել է, որ իշխանությունները Երևանի Հանրապետության հրապարակում շքերթի օրը փորձում են մոլորության մեջ գցել ժողովրդին։ «Եվ սա մի երկիր է, որի ԶՈւ Գլխավոր շտաբի պետն ավելի վաղ հայտարարել էր, թե ադրբեջանցիները կհեռանան օկուպացված դիրքերից, երբ սովածանան»,- հավելել է Մարուքյանը։
Նա հիշեցրել է, որ Նախիջևանում մեծ համաժողով են անցկացնում ադրբեջանցիների՝ «Արևմտյան Ադրբեջան» վերադարձի թեմայով, իսկ իշխանություններն այդ թեման հորինված են անվանում։
