նախընտրելի դարձնելՔանի դեռ Եվրասիական տնտեսական միությանն անդամակցությունն ու Եվրոպական միությանը միանալու գործընթաց սկսելու մասին օրինագծի հետ կապված քայլերը համատեղելի են, մենք կգնանք այս ճանապարհով։ Մայիսի 28-ին Կառավարությունում կայացած ճեպազրույցի ժամանակ այս մասին հայտարարել է Հայաստանի վարչապետ Նիկոլ Փաշինյանը։
«Դա մեր սուվերեն որոշումն է, և մենք կայացնելու ենք մեր սուվերեն որոշումները։ Մեր ծրագրերում ոչինչ չի փոխվել։ Իսկ ինչ վերաբերում է ելակին, վարդերին և այլ արտադրանքին, ապա եթե ձեզ թվում է, թե նախկինում նման խնդիրներ չեն եղել, դուք չարաչար սխալվում եք։ Նույն խնդիրները մշտապես էլ առաջանում են, և 2018 թվականից ի վեր ես մեր բոլոր գործընկերներին նույն ուղերձն եմ հղում՝ ամբողջ արտադրանքը պետք է թողարկվի ստանդարտներին համապատասխան։ Մենք չենք պատրաստվում մեր սուվերենության հաշվին աջակցել ստանդարտներին չհամապատասխանող արտադրանքի արտահանմանը»,- ասել է Փաշինյանը։
Միևնույն ժամանակ նա հավելել է, որ աջակցություն կստանան բոլոր այն արտադրողները, որոնց արտադրանքը համապատասխանում է սահմանված ստանդարտներին։
