ՆախընտրելիՀայաստանի նախագահ Սերժ Սարգսյանի գլխավորած Հայաստանի հանրապետական կուսակցությունը խորհրդարանական ընտրություններում, տոկոսային հարաբերակցությամբ, ամենից շատ ձայներ ստացել է Սյունիքի մարզում, իսկ ամենից քիչ` Կոտայքի մարզում: Վերջինս միակ մարզն է, որտեղ ՀՀԿ-ն գրավել է ոչ թե առաջին, այլ երկրորդ տեղը, զիջելով «Բարգավաճ Հայաստան» կուսակցությանը:
ՀՀԿ-ի համար «անհաջող» մարզերից շրջաններից են նաեւ Շիրակի մարզն ու Երեւան քաղաքը:
NEWS.am-ը ներկայացնում է ՀՀԿ-ի արդյունքները տոկոսային հարաբերակցությամբ` ըստ մարզերի, նվազման կարգով (տոկոսային ցուցանիշը հաշվվում է մայիսի 6-ի խորհրդարանական ընտրություններին մասնակցած քաղաքական կուսակցություններին եւ դաշինքին տրված 100% «կողմ» ձայներից):
Սյունիքի մարզ – 61,08%
Արարատի մարզ – 52,95%
Լոռիի մարզ – 52,04%
Տավուշի մարզ – 49,86%
Վայոց ձորի մարզ – 48,21%
Արմավիրի մարզ – 47,99%
Գեղարքունիքի մարզ – 46,74%
Արագածոտնի մարզ – 46,15%
Երեւան – 37,53%
Շիրակի մարզ – 36,51%
Կոտայքի մարզ – 34,84%
