նախընտրելի դարձնել
Արտերկրում կա Հայաստանից չրերի պահանջարկ։ Այդ պատճառով անհրաժեշտ է երկարաձգել դրանց արտահանման սուբսիդիաները։ Այս մասին կառավարության սեպտեմբերի 3-ի նիստում հայտարարել է Հայաստանի վարչապետ Նիկոլ Փաշինյանը։
Նրա խոսքով՝ Հայաստանը ընկալվում է որպես որակյալ չրերի երկիր։
«Հետևաբար, մենք պետք է ընդլայնենք աջակցության ծրագրերը։ Դա թույլ կտա մեծացնել ավելի բարձր ավելացված արժեք ունեցող արտադրանքի արտահանումը։ Ընդ որում՝ ամբողջ տարվա ընթացքում»,- ասել է նա։
Իր հերթին, էկոնոմիկայի նախարար Գևորգ Պապոյանը նշել է, որ 2026 թվականի հունվար-հուլիսին չրերի արտահանումն աճել է 151%-ով կամ 2,5 անգամ՝ 2025 թվականի նույն ժամանակահատվածի համեմատ։
«Բացի այդ, այսօր ընդունված որոշումներից մեկի համաձայն՝ կընդլայնվեն նաև ծաղիկների արտահանման սուբսիդիաները»,- հավելել է նախարարը։
Ավելի վաղ դրանք կազմում էին 37 կամ 50 դրամ (13,5 ցենտ) մեկ հատի համար՝ կախված երկրից (ԵՄ երկրներ, Մեծ Բրիտանիա և Շվեյցարիա՝ 50, իսկ մնացած երկրներ՝ 37 դրամ)։ Այժմ սուբսիդիան կկազմի 50 դրամ՝ անկախ երկրից։ Բացի այդ, մեկ ամսով կերկարաձգվի պահածոների գործարանների կողմից դեղձի և թզի մթերման սուբսիդիան։ Մնացած սուբսիդիաները կմնան անփոփոխ։
Ընդհանուր առմամբ, հավելել է էկոնոմիկայի նախարարը, 2026 թվականի հունիսի սկզբից Հայաստանից ծաղիկներ արտահանվել են 28 երկիր, մրգեր՝ 24, իսկ բանջարեղեն՝ 16 երկիր։
«Հունվար-հուլիսին կոնյակի արտահանումը նախորդ տարվա համեմատ աճել է 19%-ով, կոնյակի սպիրտինը՝ 12%-ով, գինունը՝ կրճատվել 8%-ով։ Հյութերի արտահանումը կրճատվել է 1%-ով, պահածոների (ջեմերի, մուրաբաների, տոմատի մածուկի և այլնի)՝ աճել 18%-ով, չրերինը՝ աճել 151%-ով։ Այսինքն՝ 2,5 անգամ։ Իսկ ծաղիկների արտահանումը նվազել է 27%-ով»,- հավաստիացրել է Պապոյանը։
