նախընտրելի դարձնել«Ուժեղ Հայաստան» խմբակցության ղեկավար Նարեկ Կարապետյանը հայտարարել է Հայաստանի առևտրային հաշվեկշռի կտրուկ վատթարացման մասին և ֆինանսների նախարար Վահե Հովհաննիսյանից պահանջել բացատրել, թե ինչ ռեսուրսների հաշվին է երկրտը մտադիր կրճատել աճող դեֆիցիտը։
«Արտահանումը վեց ամսում նվազել է 6,7%-ով»,- նշել է Կարապետյանը՝ հղում անելով կառավարության տվյալներին։ Նրա գնահատմամբ՝ այդ ժամանակահատվածում Հայաստանի արտահանումը կազմել է մոտ 3,4 միլիարդ դոլար, իսկ ներմուծումը՝ 6,1 միլիարդ դոլար, ինչի հետևանքով առևտրային դեֆիցիտը հասել է 2,7 միլիարդ դոլարի։
«Դա նշանակում է, որ վեց ամսում մենք ունենք 2,7 միլիարդ դոլարի առևտրային դեֆիցիտ»,- ասել է պատգամավորը՝ ընդգծելով, որ բացասական սալդոն ավելացել է մոտ 20%-ով՝ նախորդ տարվա նույն ժամանակահատվածի համեմատ։
Կարապետյանը նաև ուշադրություն է հրավիրել այն փաստի վրա, որ առևտրային հաշվեկշռի վատթարացումը տեղի է ունեցել պղնձի գնի 37% աճի ֆոնին։ Նա իրավիճակը որակել է որպես երկրի մրցունակության հիմնական խնդիրներից մեկը և նախարարին հարցրել, թե «ինչ գործիքակազմով» է պետությունը մտադիր փակել առաջացած բացը և ինչ ռեսուրսների հաշվին ներգրավել անհրաժեշտ միջոցները երկարաժամկետ հեռանկարում։
Հովհաննիսյանն ընդունել է, որ առևտրային հաշվեկշռի դեֆիցիտի խորացումը խնդիր է, սակայն որպես ապագայում բացը կրճատելու ընդունակ գործոններից մեկը՝ մատնանշել է ծառայությունների արտահանման աճը։
«Եթե ինձ հարցնեք, թե որ գործոնը կնպաստի հետագայում այս տարբերության կրճատմանը, կարծում եմ՝ ծառայությունների ոլորտի էական ապագա աճը պետք է նպաստի դրան»,- հայտարարել է նախարարը։
Ըստ Հովհաննիսյանի՝ կառավարությունը նաև իրականացնում է արտադրողներին աջակցելու ծրագրեր, որոնք ուղղված են արտադրողականության բարձրացմանը, շուկաների դիվերսիֆիկացմանը և արտահանման ավելացմանը։ Նա նշել է, որ նման միջոցառումներն հատկապես ակտիվացել են Ռուսաստան արտահանման խնդիրների պատճառով և ներառում են հումքի ներմուծման աջակցություն և արտահանման խթանման տարբեր գործիքներ։
Կարապետյանն իր հերթին նշել է, որ փաստացի ցուցանիշները դեռևս վկայում են ոչ թե բարելավման, այլ իրավիճակի վատթարացման մասին։ «Գործողությունները, որոնք ձեռնարկվել են, արդյունքը թվերով կարող ենք տեսնել։ Արդյունքը թվերով վատթարացումն է»,- ասել է նա։
