Նախընտրելի
Վաշինգտոնը Թեհրանի հետ առաջիկա բանակցություններում ցանկանում է կենտրոնանալ Իրանի միջուկային ծրագրի վրա, այլ ոչ թե Հորմուզի նեղուցով նավագնացության վերականգնման, հայտնում է CNN հեռուստաալիքը։
«Երեք աղբյուրի խոսքով՝ Թրամփի վարչակազմի ներկայացուցիչները մասնավոր կարգով Պարսից ծոցի երկրներին հայտնել են, որ ցանկանում են ԱՄՆ-ի և Իրանի միջև ապագա բանակցությունները կենտրոնացնել Թեհրանի միջուկային ծրագրի, այլ ոչ թե նեղուցի բացման վրա», — ասվում է կայքում։
Մինչ տարածաշրջանում հակամարտության սրումը Հորմուզը համաշխարհային էներգակիրների առևտրի առանցքային երթուղիներից մեկն էր։ Դրա միջոցով անցնում էր համաշխարհային նավթի և հեղուկացված բնական գազի մատակարարումների մոտավորապես հինգերորդ մասը։
