Նիդեռլանդներում զինծառայողների պատրաստման ծավալներն ընդլայնելու նպատակով 10 միլիոն եվրո կհատկացնեն Ուկրաինայում ուսումնական ենթակառուցվածքների զարգացմանը։ Այս մասին հայտարարել է թագավորության պաշտպանության նախարար Դիլան Եշիլգյոզ-Զեգերիուսը։

«Այսօր մենք հայտարարելու ենք Ուկրաինայում ուսումնական օբյեկտներին 10 միլիոն եվրո հատկացնելու մասին», — Բրյուսելում ԵՄ երկրների ռազմական գերատեսչությունների ղեկավարների հանդիպմանը ժամանելիս լրագրողներին ասել է նա։ Նրա խոսքով՝ հավելյալ ֆինանսավորումը թույլ կտա ավելացնել վերապատրաստում անցնող ուկրաինացի զինծառայողների թիվը։

Նախարարը նաև հիշեցրել է, որ Նիդեռլանդները դաշնակիցների հետ միասին արդեն մասնակցել է Ուկրաինայի զինված ուժերի շուրջ 100 հազար զինվորների և սպաների պատրաստմանը (այդ թվում՝ ԵՄ EUMAM Ukraine ուսումնական առաքելության շրջանակում)։

ՌԴ ԱԳՆ պաշտոնական ներկայացուցիչ Մարիա Զախարովան բազմիցս հայտարարել է, որ Կիևին ցուցաբերվող արևմտյան օգնությունը չի կարող փոխել մարտական գործողությունների ընթացքը, իսկ արևմտյան սպառազինությունը «հետևողականորեն ոչնչացվելու է ռուսական զինված ուժերի կողմից»։