ՆախընտրելիԲՀԿ-ն չստացավ այն, ինչ ուզում էր, դրա համար էլ հրաժարվեց կոալիցիա կազմել: Այս մասին, NEWS.am-ի թղթակցի հետ զրույցում ասաց նախկին վարչապետ, ՀԱԿ անդամ Հրանտ Բագրատյանն` արձագանքելով ԲՀԿ նախագահ Գագիկ Ծառուկյանի` կոալիցիա չկազմելու մասին հայտարարությանը:
«Իմ պատասխանը շատ կարճ է` ինքը չստացավ այն, ինչ ակնկալում էր, հետեւաբար նման հայտարարություն արեց: Դա նորմալ է»,- ասաց Հրանտ Բագրատյանը:
Հարցին, թե հնարավոր չէ՞, որ 2013թ-ի նախագահական ընտրություններում ԲՀԿ-ն եւ ՀԱԿ-ը մեկ միասնական թեկնածուով հանդես գան, Բագրատյանը պատասխանեց. «Ես չեմ կարող էս գլխից նման բան ասել: Չգիտեմ, չեմ կարող ասել: Ո՞նց կարող եմ նման բան ասել: Չեմ կարծում էսօր հնարավոր է նման հարցի պատասխանել»:
Իսկ հարցին, թե մինչ այս հայտարարությունը, ՀԱԿ-ի հետ ԲՀԿ-ի համագործակցությանը վերաբերող քննարկումներ եղե՞լ են, նա արձագանքեց, որ իրեն նման բան հայտնի չէ:
Իսկ ՀԱԿ ներկայացուցիչ Գագիկ Ջհանգիրյանը NEWS.am-ի թղթակցի հետ զրույցում ասաց, որ քիչ հետո ՀԱԿ-ը հայտարարությամբ հանդես կգա եւ եւ կհայտնի իր կարծիքը Գագիկ Ծառուկյանի հայտարարության վերաբերյալ:
