նախընտրելի դարձնելՀայաստանի վարչապետ, Հանրապետական կուսակցության փոխնախագահ Տիգրան Սարգսյանը Բելգիա կատարած այցի շրջանակներում Բրյուսելում հանդիպել է Եվրոպայի ժողովրդական կուսակցության նախագահ Ուիլֆրիդ Մարթենզին: Զրուցակիցները բարձր են գնահատել Հայաստանի Հանրապետական եւ Եվրոպայի Ժողովրդական կուսակցությունների միջեւ հաստատված երկկողմ համագործակցությունը:
ԵԺԿ նախագահը մեկ անգամ եւս շնորհավորել է Տիգրան Սարգսյանին` խորհրդարանական ընտրություններում Հայաստանի hանրապետական կուսակցության տարած հաղթանակի առթիվ:
Տիգրան Սարգսյանն ասել է. «Հայաստանի իշխանությունները մեծապես շահագրգռված են եւ լի են վճռականությամբ մինչ 2013 թվականի նախագահական ընտրությունները վերացնելու արձանագրված ընտրական թերությունները»:
ՀՀ վարչապետը եւ Ուիլֆրիդ Մարթենզն անդրադարձել են նաեւ Հայաստանի եվրաինտեգրման գործընթացներին, Հայաստան-ԵՄ համագործակցությանն ու առաջիկա համատեղ ծրագրերին, մեր երկրում իրականացվող բաեփոխումներին:
Զրուցակիցները պատրաստակամություն են հայտնել հետագայում եւս խորացնել ու ամրապնդել երկկողմ կապերը եւ գործակցությունը:
