նախընտրելի դարձնելԱշխարհում խոշորագույն Amazon համացանցային խանութը մշակում է իր սեփական Android-սմարթֆոնը: Այդ մասին հայտնում է Bloomberg գործակալությունը` հղում անելով երկու անանուն աղբյուրի:
Amazon-ն անցյալ տարվա աշնանից 200 դոլարով վաճառում է Kindle Fire պլանշետային համակագիչ, որն աշխատում է Android բջջային պլատֆորմայի վրա: Kindle Fire-ի արժեքը մի քանի դոլարով պակաս է ինքնարժեքից, սակայն Amazon-ին հաջողվոմ է շահույթ ստանալ իր համացանց խանութի թվային այլ արտադրանքի վաճառքից: Սմարթֆոնում ընկերությունը հույս ունի նույն բիզնես մոդելը կիրառել եւ ավելի մեծացնել գրքերի, ֆիլմերի եւ երաժշտության վաճառքն իր առցանց խանութով:
Amazon-ի ներկայացուցիչը հրաժարվել է մեկնաբանել ընկերության նախագծերը, հաղորդում է ՌԻԱ Նովոստին:
Այժմ Amazon-ը գնում է պատենտներ տեխնոլոգիական անլար կապերի ոլորտում, որպեսզի պաշտպանի իր արտադրանքը մրցակիցների հնարավոր դատական հարձակումներից, ինչպես նաեւ բանակցություններ է վարում թայվանյան Foxconn-ի հետ, որն էլ կզբաղվի սարքի արտադրությամբ:
