նախընտրելի դարձնելՀայաստանը Ազատ առեւտրի գոտու մասին պայմանագիրը կարող է վավերացնել 2012 թվականի աշնանը: Այդ մասին հուլիսի 24-ին, Երեւանում կայացած ասուլիսում հայտնել է Ռուսաստանի Պետդումայի նախագահ Սերգեյ Նարիշկինը:
Ռուսական պատվիրակությունը, ավելացրել է նա, այդ առիթով արդյունավետ քննարկումներ է իրականացրել: «Մենք այսօր ե’ւ խորհրդարանականների, ե’ւ Սերժ Սարգսյանի, ե’ւ կառավարության ղեկավարի հետ հանդիպմանը շատ խոսեցինք Եվրասիական նախագծի շրջանակում համագործակցության մասին»,-նշել է Նարիշկինը:
Նա հիշեցրել է Ռուսաստանի, Ղազախստանի եւ Բելառուսի միջեւ արդեն գործող Միասնական մաքսային միության մասին. Այդ երկրների արտաքին առեւտուրը 2011 թվականին արդեն կազմել է 30%:
«Հայաստանի ղեկավարությունն ուշադիր հետեւում է եվրասիական նախագծի զարգացմանը եւ ձգտում է իր տեղը հաստատել դրանում, հասկանալով, որ եվրասիական տնտեսական տարածքը առետրատնտեսական հարաբերությունների հիմք է: Այդպիսով, Հայաստանը կդառնա երրորդ երկիրը Ռուսաստանից եւ Բելառուսից հետո, որը դա կանի»,-ասել է Պետդումայի նախագահը:
Հիշեցնենք, որ 2012 թվականի մարտին պայմանագրի նախագիծը վավերացրել էր Ռուսաստանը, մայիսին` Բելառուսը:
Լուսանկարը` Սոնա Բարսեղյանի
